Infiamna

A hnara front kick hmangin Dustin Poirier ka hneh dawn : Conor McGregor

Admin - Apr 13, 2021

Fight hnuhnung zawka a chak lo Conor McGregor-a'n phuba lak ngei a tumruh hle. A hnara front kick hmanga Poirier hneh ngei a tum thu

A vawi thum nana July ni 11-a Dustin Poirier nen  UFC 264-a inhmachhawn  tur chu Conor McGregor pawhin  official taka pawmin a hming a ziah hnan ve ta a. Fight hnuhnung zawka a chak lohna vangin phuba lak ngei a tumruh hle. A hnara front kick hmanga Poirier hneh ngei a tum thu McGregor chuan a sawi.

Conor McGregor leh Dustin Poirier trilogy fight hi neih tur hi an sawina a rei tawh hle a, a bhun tichiangin UFC 264 main event-ah dah an ni. Vawi khat ve ve chak tawh an nih avangin he an vawi thum fight neih naa chak zawk zawk hi fighter tha zawkah a ngaih theih tawh dawn a ni. 

McGregor hian an fight hmasaberah Poirier hi hun reilo te chhungin a knockout a. An vawihnih inbeihna kumin January-a an inbeihah erawh thil a danglam daih thung. Chak tura rinkai leh first round a chetha zawk McGregor-a chu Poirier chuan a knockout ve leh thung. He an chaklo hi an career a knockout hmanga an tlawm vawikhatna ve ve a ni bawk. 

Fight hmasa zawka chaklo Poirier chuan a vawi hnihnaah phuba a la a, an trilogy fight-ah hian McGregor chuan  phuba lak a tur thu a sawi nasa tawh hle a, la thei tak maw.  McGregor leh Poirier te pahnih hi kuttum hmang thiam an nih avangin an hlauhawm dun hle a ni.