Mizo gospel group hriat hlawh tak One in Christ chuan October 22, 2021 Zirtawpni khan kum 10 an tling a, hemi pual hian lawmthu sawina hun Synod Conference Centre-ah an buatsaih. 

One in Christ hian kum 10 chhung hian music video 46 zet an tichhuak hman a, album pawh pahnih an puitlin hman bawk. Kum 2016 khan an album hmasa ber 'Ka lawm e Lalpa' an tichhuak a, a hit rem rem hle. He albuma hlate hi lar tak tak vek an ni a, 2019 khan 'Kei kher maw Lalpa' an tichhuak leh bawk. 

One in Christ hian Zoram dung leh vang an dengchhuak a, rimawi hmangin ram pawn thlengin hriat an hlawh. Hla tha tak tak eng emaw zat an tichhuak tawh a, an tichhuak mek zel bawk. An hlate hi Mizote rilrem zawng leh sakpui nuam tak tak vek a ni a, lar pawh a lar hlawm hle. 

Kum 2013 khan 'Ka lawm e Lalpa' music video an tichhuak a, hei hla hi mi tam zawkin One in Christ an hmelhriat chhohna hla chu a ni ta a ni. IoC hian rimawi lamah sulhnu tha tak an hnutchhiah chho zel a, Thazual Award-ahBest Group/Duo leh Best Music video (gospel) hial pawh an lo dawng tawh a ni.  

One in Christ hian kalphung fel tak an nei a, member an inthlak ve thin. Term khat an hman zawhah member thar lakluhna leh inhlan tharna hun an buatsaih thin a ni.