Aizawl Municipal Corporation chuan Aizawl Day vawi 133-na pualin band contest a buatsaih dawn a, lawmman pawh a tha dawn viau mai. Pakhatna hian Rs. 1,00,000 an dawng ang a, pahnihna leh pathumna ten Rs. 70,000 leh Rs. 50,000 te an dawng bawk ang. Band pahnih hnenah consolation prize Rs. 10,000 ve ve hlan an ni bawk ang. 

He band contest-a tel tumte chuan February 11 hmain demo (live video) pakhat an thehluh a ngai dawn a, intihsiak hmachhawn turin hla pathum tal an neih a ngai dawn bawk. He intihsiakah hian AMC huam chhungah vote an neih ngei a ngai dawn thung - a duh duh tel ngawt theih a ni dawn lo tihna a nih chu. Band member zingah kum tling lo an awm chuan Local Council hriatpuina a ngai bawk ang. 

He contest-ah hian band hlun leh lar sa tan tel a rem chang dawn lo bawk. Intihsiak hi February 25-ah AR Lammual-ah final leh result puan a ni ang.