Raymond Colney film siam '1999' chu nizan khan Vanapa Hall-ah premiere a ni ta. Film tlangzarh pangngai anga kalpui a ni lo a, zan dar 8:30 khan premiere show hi neih a ni. 

1999 film-ah hian Mizoten lemchan thiam kan neih that ber zinga mi Papuia Pachuau leh Rspi te kan hmu a, Papuia'n main role a rawn play. Ramhlun North tlangval Papuia Pachuau hi Mizo Film Award-a Best Actor award la zawn thei a ni a, he film-ah pawh hian a talent that zia a rawn phochuak leh chiang hle. 

Zoparmawi-i'n role pawimawh tak a rawn play bawk a, a theihna a sangin amah beisei a sang chho hle. Ani bakah hian - Mary Dawngi, Baby Zomunpuii Fanai, Gilbert Colney, Maruata Rawite, Eddie Tochhawng, Zirsangpuii, Aman Shahi, H. Lalremsangi, Saii Sailo leh Anchal Chhetri te an inlan bawk.

1999 hi black comedy leh christian mystery inpawlh a ni a, Mizo film industry-a kan la hmuh ngai loh thil chhawpchhuaha a awm hi bungthar pawimawh tak a ni - sawi vek sen a ni lo Lersia Play-ah en theihin a awm e.