ZALEN Sept. 30, 2025 : 2025 : Vawiin khan 2-Dampa(ST) AC bial By-Election lo awm tur atana Final Electoral Roll K. Laltlawmlova, District Election Officer chuan DC Conference Hall, Mamit-ah a tlangzarh.

K. Laltlawmlova chuan 2-Dampa Final Electoral Roll tlangzarh tura peihfel a ni ta chu lawmawm a tih thu a sawi a, a hun taka Roll tlangzarh thei tura Elections Officials, khawtlang hruaitu, tlawmngaipawl leh Political Party-te thawhpuina-ah lawmthu sawiin, India khua leh tui dik tak, kum tling chin, Roll-a chuang te'n, khua leh tui kan nihna anga kan chanvo kan hlen theih nan, kan aiawha rorel tur thlang turin 2-Dampa bial By-Election kan hmachhawn turah vote thlak theuh turin a sawm bawk a ni.

 Lalnunfela Chawngthu, Election Officer chuan Final Roll tlangzarh sawizauna neiin, Vote nei zawng zawng Mipa 10605 leh hmeichhia 10185 an vaiin 20790 an ni a, Draft Roll atanga vote nei punna ni Voters 385 a ni.

Final Roll tlangzarh takah hian Polling Station 41 awmin, Polling Station Pakhat zelah Elector 507 awm ang an ni a. Voters tlemna ber hi 2/12-Zopui Polling Station niin Voters 30 an awm a, Voters tamna ber hi 2/17 - Silsury -I Polling Station a ni a, Voters 1103 an awm a. Service Voters hi 115 a awm bawk a ni. 

Vawiin 2-Dampa (ST) AC Final Electoral Roll tlangzarh tak hi K. Laltlawmlova, District Election Officer chuan Political Party aiawhte hnenah a hlan nghal a ni.

2-Dampa (ST) AC Final Electoral Roll tlangzarhna hunah Election Officials, Political Party aiawhte leh thuthar thehdarhtute a tel a ni.