JANUARY- November ni 23, 2013 a NLFT leh Tuikuk hel BNDLFM ten an rukbo Sanglianthanga s/o V.L.Hmuaka, Mamit leh Lalzamliana s/o Buanga, Kolasib te chu January ni 21,2014 khan a hrengtu ten an chhuah. Deep Mondal chu chhuah a ni lo. January ni 30 zan dar 11:20 vel khan misual tu tih hriat loh ten Mizoram Assembly House leh Directorate of Information and Public Relation in kar Treasury Square bazar ah bomb chak tak an ti puak. MARCH- March ni 10 tlai dar 3 vel khan Falkawn a Zokhua a kang a, kangmei hi Hnamchawm in atanga chhuak nia hriat a ni a, Zawlbuk, Lal In leh khawnbawl In te a kang a, heng In chhunga bungruate hi pakhatmah thiar chhuah hman a ni lo a, Thirdengpa in leh Hmeithai in erawh a kan kai hma in ven hman a ni. Kangral hlut zawng hi Nuai 60m vel a ni. March 12 khan 68th National Football Championship Santosh Trophy champion Chief Ministet Lal Thanhawla leh mi pawimawh ho a lawm a ni. APRIL- Tuikuk ten transit camp a vote thlak Vote thlak duh loh lantir nan Protest day hial neia a nih hnuah Lok Sabha inthlanna atan Tripura Transit camp a Tuikuk te chuan boruak muanawm tak hnuaiah April ni 1 zing atang khan vote an thlak tan. April ni 4 zan khan EVM chungchang TV a Chhawnthuama thusawi tihchhuah anih hnuin thalai rual engemaw zat chu pungkhawmin Chief Minister laka lungawilohna lantirin Zarkawt kawn atangin CM Bangla panin an au rual. Mizo Phantom-a tia hriat lar K. Chhawnthuama, Durtlang chuan EVM tih chingpen niin a thehdarh. April 11 khan Mizorama Lok Sabha 16-na member thlanna leh Hrangturzo bial Bye election neih a ni. EVM tichingpena dik lo taka sawrkarna siama puhtu leh Phantom hming invuaha Chief Minister Lal Thanhawla SMS thawntu, K.Chhawnthuama Durtlang chu April 14 zan dar 12 vel khan Guwahati-a Hotel Starline, Paltan Bazar-ah 3rd Bn. IR Commandant Zosangliana leh a ho ten an man. April ni 18 zan dar 11:50 vel khan Chaltlang Mual vengah Pu R.Lalchhanhima P&E a thawk leh Dr. Ramfangzauva te in Inkar step ah bomb a puak a, he bomb puak hi a ring hle a, mahse mihring thi leh hliam an awm lo hlauh. April 23, 2014 (Nilaini) chhun khan Putlungasih khua-ah kangmei chhuakin In 11, chhungkaw 12 luah a kang a, in 1 thiah a ni bawk.wm thei ang ang pek an ni. April 25 Zirtawpni tlai dar 5 vel khan Suarhliap (Mamit District) ah thli tlehin in 22 a ti chhia. April 27 khan Buhchangphai a Mizo leilet a hnathawkte In 4 chu Assam Police mi 30 rualin an thiat a, April 30 khan Home Minister R.Lalzirliana chuan Assam Police te chetna hmun hi a tlawh. MAY- May 6 khan Mizoram tan UN Mission project buaipui tura lo kal UN Technical Mission Team te chuan department pawimawh te nen hmalakna tura ngaih pawimawh bik area te an sawi. May ni 16 khan Mizoram Lok Sabha inthlanna leh Hrangturzo bial Bye election vote chhiarin result puan a ni a, Lok Sabha MP atan INC candidate CL Ruala chu thlantlin a ni a, vote 209573 a hmu a, UDF thlawp Robert Romawia Royte in vote 198212 a hmu a, NOTA-ah vote 135 a tla a ni. Hrangturzo Assembly bial MLA thar atan thlan tlin leh Mizoram Legislative Assembly 7-na ah hmeichhe MLA awm chhun tur Vanlalawmpuii Chawngthu May 20 khan House-ah lakluh a ni. JUNE- Chakma tlawmngai pawl hrang hrang 11 lai intelkhawmin Borapansury-I a MZP ten an ram supply department in a pekna hmuna signboard an tar avanga Borapansury-II bial a CADC bye-Elcetion boycott an tum chu MZP signboard dahbo/lakthlak a nih tak loh avangin 4.6.2014 a Borapansury-II biala bye-Election neih tur chu an boycott. June ni 17 atang khan Tripura Relief Camp a Bru te hruaikir thawh rukna neih tan a ni a, thawh 6-naah hian chhungkua 197 a mi 1,022 lakkir an ni. JULY- July ni 2 khan Aizawl Vanapa Hall kawt a Vanapa lim chu Art & Culture Minister R.Romawia chuan a khuhna a hawng a Milim hi feet 5 leh inches 6 vel sang niin bronze metal a siam a ni a, kg 250 vel hman niin cheng nuai 9.5 sen a ni. Mizoram Larsap thar atana a ruat Dr. Smt. Kamla Beniwal chu July ni 9 tlai dar 6 khan Raj Bhawan-ah rinawmna thutiam tira lakluh a ni. July ni 21 khan Mizoram Rajya Sabha MP thar Pu Ronald Sapa Tlau chu Parliament-ah lakluh a ni. July 30 chawhma Dar 11:30 khan Aizawl Municipal Council Chairman thar thlanna neih a ni a Chairman a tan Zarzoliana Ward No-VII Councillor chu chuhtu awm lovin tlinga puan a ni. AUGUST- August ni 3 Sunday chawhnu khan Home Minister R.Lalzirliana chuan Aizawl hmun hnih Bungkawn leh Mission Veng a bomb tipuaktua puh Lalringthanga chu Vairengte-ah Mizoram Police ten an man thu a puang. Aug. 6 zan khan Mizoram Governor Dr.Kamla Beniwal chu thla hnih a awm hnuah Governor atanga chawlhtir a ni. SEPTEMBER- September ni 1 zing atangin pawl hrang hrang telna Joint NGO Coordination Committee chuan AMC Licensing Regulations duh loh entirnan Aizawl Municipal Council (AMC) hnathawkte office kai tur an dang a, Sept.4 tlaiah an inrem. Mizoram Larsap hna hmui tura ruat Krishan Kant Paul, Meghalaya Governor ni lai mek chu sept 16 tlai dar 4 khan Raj Bhawan Durbar Hall-ah Mizoram Governor atan lakluh a ni. Mizoram Premier League (MPL) khelh meka a goal pet lut lawmnaa chesual Bethlehem Vengthlang FC Midfielder Peter Biaksangzuala kum 23 mi chu Oct.ni 19 zing dar 7 vel khan Aizawl Civil Hospital ICU-ah a thi. Oct ni 31 tlai dar 1:30 vel khan Lengpui Airport road a Lengte lei Bailey Bridge chu motor ina zawh chima thi an awm lo. NOVEMBER- November ni 11 chawhma Legislative Assembly 7-na thutkhawm tum 4-na Budget Session chu Speaker Hiphei kaihruaiin tan a ni a, Finance Minister Lalsawta chuan kum 2014-15 Mizoram Budget pharhin kum 2014-15 chhunga Mizoram Plan Budget chu Rs.vbc.3140 a ni. DECEMBER- Chhimtuipui lui kaina tur, 'Darzokai' an tih mai Tuipui D chunga lei dawh mek chu Dec. 13 khan a chim a, mi 1 a boral. Pi Zokhumi (83), Finance Minister hlui J.Lalsangzuala (L) nupui, Mission Veng chu rawng taka thah a ni a, Dec. 18 zing dar 9:30 velah a ruang hi a khumah hmuh a ni.