Aizawl: Excise & Narcotics deprtment chhinchhiah danin kumin kumtir atanga July ni 11,2016 thleng khan Mizoram ah damdawi hmansual vangin mi 39 an thi tawh. Drug vanga thi zingah hian mipa tam zawkin 33 an thi a, hmeichhia 6 an awm bawk. Drug hmansual vanga thi zinga 20 hi Heroin vanga thi an ni a, 1 chu Parvonspas vang niin a dangte hi thildang vanga thi an ni. Nikum 2015 chhung khan damdawi hmansual vangin hian Mizoram ah thi 27 an awm a, kumin kum chanve chhunga drug vanga thi hi nikum aiin an tam tawh zawk a ni. Mizoram Excise & Narcotics deprtment hian kum 1984 atang khan drug vanga thi hi an chhinchhiah tan a, kumin July ni 11,2016 thleng khan damdawi hmansual vang hian mi 1381 an thi tawh a, thi zinga 1234 hi mipa niin hmeichhia 147 an awm bawk. Drug vanga thi zingah hian Proxyvon/Parvonspas vanga thi tam berin 1165 an awm a, 129 chu heroin vanga thi an ni a, a dang vanga thi 86 an awm bawk.