February 16, 2023; Finance minister Zoramthanga tarlan danin, January, 2019 atanga January, 2023 inkara Financial Institution hrang hrang leh Bank hrang hrang atanga Mizoram sawrkarin sum a puk zat chu Rs. 43,45,43,30,387 (vbc. 4345.43) a ni.

Assembly Session neih mek a C. Lalsawivunga zawhna finance minister in ziaka a chhan danin, Mizoram sawrkarin sum a pukna Financial Institution/Bank te chu - i) NABARD, ii) REC Limited, iii) National Cooperative Development Corporation (NCDC), iv) Power Finance Corporation Limited (PFC), v) Open Market Borrowings (from various agency banks through RBI) te an ni.

NABARD atanga puk tawh zawng zawng chu Rs. 6,53,86,13,600 a tling a, OMB atanga puk Rs. 36,81,42,00,000 tling bawkin, OMB atanga puk hnuhnun ber chu 21.1.2023 niin, Rs. 1,00,00,00,000 puk a ni.

REC Limited atagin Rs. 5,63,35,243 puk ni bawkin, NCDC atangin Rs. 4,23,72,100 leh PFC atangin Rs. 28,09,444 puk a ni tawh bawk.