2021 Nobel Peace Prize Dawng tur puang

Admin - Oct 10, 2021

Journalist Maria Ressa leh Dmitry Muratov te thlang

Khawvela chawimawina ngaihhlut ber tih ngam Nobel Peace Prize dawngtu tur puan a ni leh ta a, journalist huaisen pahnih Maria Ressa leh Dmitry Muratov ten an dawng dawn. Norwegian Nobel Committee chuan October 8, Zirtawpni khan Oslo-ah Nobel Prize dawng tur puan chhuahna hi an nei a, December 10 khian sem a ni ang. 

Chawimawina ngaihhlut ber Nobel Peace Prize dawng tura thlan Maria Ressa leh Dmitry Muratov te hi 'freedom of expression' humhalh kawnga an hna thawh that avangin chawimawina hi hlan an ni ang. 

Maria Angelita Ressa
Maria Angelita Ressa hi Filipino-American journalist niin, Philippine online news website 'Rappler' dintu leh CEO ni lai a ni. Kum 58 mi Maria hi hmeichhe journalist huaisen tak niin, 'freedom of expression' humhalhna kawngah an ram chu huaisen takin a bei a ni. Kum 20 dawn CNN tan Southeast Asia lamah investigative reporter hna a lo thawk tawh bawk. 

Dmitry Andreyevich Muratov
Russian journalist Dmitry Muratov pawh hian 'freedom of expression' vawnghim turin an ram chu huaisen takin a bei a, Nobel Peace Prize hial dawng tua thlan an ni ta a ni. 
Kum 59 mi Dmitry Andreyevich Muratov hi Russian newspaper 'Novaya Gazeta' ah editor-in-chief niin, an chanchinbu hi sawrkar eiruk pholanna kawngah leh mihring dikna chanvo rahbe dodalna kawngah hna an thawh that avangin hriat an hlawh hle. 
Muratov chuan Novaya Gazeta tana thawktu an hna avanga nunna chan reporter tan Nobel Peace Prize hi a hlan tih a sawi bawk. 

Nobel Peace Prize hian medal bakah Swedish krona maktaduai 10 (US $ mtd 1.1) a keng tel a, chawimawina dawng tur hian mi 329 zet chhawpchhuah an ni. A tawpah mimal ngaihdan zalen taka sawi chhuah theihna 'freedom of expression' humhim kawnga hmalatu journalist huaisen pahnih Maria Ressa leh Dmitry Muratov te chu chawimawina dawng tura thlan an ni ta a ni. 
Noble Prize in Literature dawntu tur pawh puan a lo ni tawh a, kumin hian nTanzanian novelist Abdulrazak hnenah hlan a ni ang. 

Maria Ressa
Born  : October 2, 1963 (age 58) Manila, Philippines
Citizenship  : Philippines &United States
Education    : Princeton University (BA)
Occupation : Journalist, author
Known for  : Co-founding Rappler
Awards    : Golden Pen of Freedom  Award (2018) UNESCO/Guillermo Cano                   World Press Freedom Prize (2021) 2021 Nobel Peace Prize

Dmitry Muratov
Born  : Dmitry Andreyevich  Muratov, 30 October 1961 (59) Kuybyshev, Russian           SFSR, Soviet Union
Citizenship : Russia
Education : Kuybyshev State University (BA)
Occupation : Journalist, TV presenter
Years active : 1987–present
Employer : Novaya Gazeta
Awards  : CPJ International Press, World Association of Newspapers' Golden Pen of Freedom Award, 2021 Nobel Peace Prize

Share now