August 5, 2023; Kum liam ta 2022-23 chhung khan Presbyterian kohhranin sum a hmuh zawng zawng chu Rs. 3,72,72,76,408 a tling a, bial leh kohhran malah Mission veng kohhran chu thawhlawm thawh tam ber an ni.

Synod Newsletter a tarlan a nih danin, budget khumna Rs. 47,44,50,844 (14.58%) a tling. Kohhran mal a thawh tam ber chu Mission veng kohhran niin, Rs. 7,86,69,493 an thawh a, thawh tam pahnihna chu Chanmari kohhran niin Rs. 6,87,36,662 an thawh. Electric kohhran in dawtin Rs. 6,34,64,627 an thawh.

Bial hrang hrang zingah pawh Mission veng bialin an thawh tam ber a, Rs. 11,51,31,673 an thawh. Ramhlun North bialin Rs. 10, 37,26,542 thawhin an dawt a, Electric veng bialin Rs. 9,77,29,352 thawhin an dawt bawk.

Dan zawhkim hisap a thawhlawm thawh tam ber bial chu Mission veng bial niin, dan zawh kim 4,788 an awm. Dan zawh kim hisap a thawh tam kohhran malah Duliajan chu thawh tam ber an ni a, dan zawh kim 14 awmin, Rs. 10,55,560 an thawh.