DOWNLOAD OUR APP

Read latest news on your phone
app-store

2022-a India rama SUVs thar tur: Mahindra Scorpio-N atanga new Brezza

Jun 21, 2022

Tun hnai hian India ramah SUVs te hralh an tla hle a, a chuan a nawm piah lamah a nghet tha a, a hmel lan dan alo mawi bawk nen an man to deuh mah se tun hnai a motor hralh tla ber pakhat an ni. June leh July thla chhung ringawt pawh hian Company hrang hrang chuan SUVs thar panga zet pho chhuah tur an nei a, chung SUVs te chu kimchang lo takin in bih thuak thuak dawn chhin teh ang. 

India rama SUVs tha 5 chuan June leh July thla chhung hian an pho chhuah dawn a, chung zingah chuan Mahindra Scorpio-N, Maruti Suzuki Brezza leh Toyota Hyryder te an tel. 

Tun hnai hian India ramah SUVs te hralh an tla hle a, a chuan a nawm piah lamah a nghet tha a, a hmel lan dan alo mawi bawk nen an man to deuh mah se tun hnai a motor hralh tla ber pakhat an ni. June leh July thla chhung ringawt pawh hian Company hrang hrang chuan SUVs thar panga zet pho chhuah tur an nei a, chung SUVs te chu kimchang lo takin in bih thuak thuak dawn chhin teh ang. 

Hyundai Venue
New Hyundai Venue hi June ni 16, 2022 khan India ramah chuan pho chhuah a i tawh a, tunah hian dealer te hnenah Pre-booking pawh a tih theih reng tawh a ni. Tunlai thiamna hmanga design thar niin Venue chhuak hmasa a awm lo thil thar hmuh belh tur a awm nual. Hetih lai hian a chak zawng (power) erawh an khawih danglam hran lo thung. Venue hi tunah hian petrol engine bikah 82 bhp 1.2-litre niin turbo petrol hi 118 bhp 1.0-litre a ni a, diesel hi 98 hp 1.5-litre a ni thung. 

Mahindra Scorpio-N
Mahindra motor tha Scorpio zinga class sang ber tur Scorpio-N hi India-ah June ni 27, 2022 hian an pho chhuak tan dawn a, kumin chhunga Mahindra lamin an lirthei launch-na lian ber tur a ni nghe nghe. Scorpio-N hian powertrain-ah XUV700 engine a hmang bawk ang. 2.0-litre mStallion turbocharged petrol motor leh 2.2-litre mHawk diesel engine te an ni dawn a, 6-speed MT leh 6-speed AT transmission duh thlan tur a awm dawn bakah 4X4 a awm bawk ang. 

Maruti Suzuki Brezza
Maruti Suzuki chuan June ni 30, 2022 hian new Brezza chu India ramah an launch dawn a, chhuak hmasa aia 2022 Maruti Suzuki Brezza danglam bikna tur chu a design lamah khawih danglam a awm nual ang. Hi-tech features an dah thar bawk a, a hma mite aiin a chak sawt tawh dawn tihna a nih chu. A power hi petrol engine-ah 1.5-litre a update niin 101 bhp leh 136.8 Nm torque a nei dawn. Engine hi 5-speed MT leh 6-speed AT a awm ang. 

Toyota Hyryder 
Toyota chuan Maruti Suzuki nen tangkawpin hun engmaw chen atang khan SUV thar siam an tum tawh a, an hlawhtling thei mai lo. Mahse, Toyota ngaina tute tana thu lawmawm chu thla thar July ni khat khian Toyota chuan Creta thar (mid-size) SUV an tih mai Hyryder chu an tlanzarh ve thei dawn ta. Hyryder hi 1.5-litre mild-hybrid petrol engine leh 1.5-litre strong hybrid petrol motor tura duan a ni. eCVT nena pair niin AWD pawh thlan theih a ni.  

Citroen C3
Citroen C3 hi tun tum list-ah chuan phochhuah hnuhnun ber tur niin July ni 20, 2022-a launch tum a ni. Citroen, C3 an tih mai hi sub-compact SUV niin 81 bhp 1.2-litre petrol motor tur a duan leh 109 bhp 1.2-litre turbo petrol te a awm ang. Transmission lamah duh thlan tur pahnih 5-speed MT leh 6-speed MT a awm dawn bawk a ni.

Share now