DOWNLOAD OUR APP

Read latest news on your phone
app-store

2022-a khawvel Tennis player hausa ber Ion Tiriac!

Jun 22, 2022

Tennis hi infiamna dang nena khaikhin ralah chuan hmeichhia pawhin sum tam tak an hlawh chhuah theihna a ni a, hmeichhe athletes sum thawk chhuak hnem zingah tennis player an lang nual nghe nghe.  Tun tumah hian tennis player zinga sum thawk chhuak tam leh hausa zual mi panga te chanchin leh an sum neih zat kan tarlang dawn a ni. 

Tennis hi infiamna dang nena khaikhin ralah chuan hmeichhia pawhin sum tam tak an hlawh chhuah theihna a ni a, hmeichhe athletes sum thawk chhuak hnem zingah tennis player an lang nual nghe nghe.  Tun tumah hian tennis player zinga sum thawk chhuak tam leh hausa zual mi panga te chanchin leh an sum neih zat kan tarlang dawn a ni. 

A hming kan hriat lar em em loh Ion Tiriac chu tennis player hausa ber niin a sum neih hi  $1.7 Billion vel nia chhut a ni. 
5. Serena Williams
Net Worth     $212 Million
Prize Money     $94 Million
Sponsor tute : Nike, Gatorade, PUMA, Wilson, Pepsi

Kum 40 mi Serena Williams hi hmeichhe tennis player-ah chuan kan hriat lar ber pawl a ni hial ang. Tennis history-a hmeichhe tennis ropui ber pakhat a ni a, Serena Williams hi hun rei tak chhung hmeichhe single number 1 a ni. Hausa list-ah hian 5-na niin hmeichhe tennis player zingah chuan a hausa ber bawk. Nikum 2021-a khawvel hmeichhe athletes hausa thlannah pahnihna a ni bawk. 

Kumin 2022 hian Serena Williams-i sum neih zat hi $212 million a ni a, a career-ah prize money bik liau liau atangin $94 million a hlawh chhuak a, a pawisa tam zawk hlawh chhuahna chu endorsement atangin a ni. 

4. Rafael Nadal
Net Worth     $200 Million
Prize Money     $124 Million
Sponsor tute     Nike, Babolat, Richard Mille

Tennis player ropui leh tan hlawh ber pakhat Rafael Nadal hi Spain ram mi a ni a, he list-a palina a nih chhan bul ber chu inkhelhna atanga hlawh chhuah bakah endorsement atangin a ni. 

2022 hian Rafael Nadal,  kum 36 sum neih zawng zawng chu $200 million niin chung zinga $124 million chu prize money atanga a lak luh an ni. 

Nadal hian car man tam to tak tak a nei nual bawk.  Tennis mipa single world number 1 hi kar 209 zet alo ni tawh bawk. 
3. Novak Djokovic

Net Worth     $220 Million
Prize Money     $149 Million
Sponsor tute     Head, Orlando Wines

Kum 35 mi Novak Djokovic hi Serbian professional tennis player niin tennis khawvel-a player ropui ber pakhat a ni. Tennis atang ngawr ngawra teh chuan player zinga sum thawkchhuak tam ber a ni hial mai thei. 

2022 hian Novak Djokovic-a’sum neih hlutzawng chu $220 million niin a inkhelhna atanga  prize money a dawn ringawt pawh  $149 million a tling. 
 Novak Djokovic hi world record ni rei thei ber niin kar 326 zet mipa singles ah a number 1.

2. Roger Federer

Net Worth     $550 Million
Prize Money     $130 Million
Sponsor tute     Uniqlo, Nationale Suisse, Rolex, Lindt

Tennis i en thin a nih chuan Swiss tennis player lar ederer hi hre lo kan awm awm lo ve, a career-ah hian hlawhtlinna tam tak neiin lawmman thahnem tak a dawng tawh. Tennis player hausa ber pahnihna Roger Federer, kum 40 hi tennis ngawr ngawr bik atanga sum lalut hnem ber a ni a, list-a pakhatna Ion Tiriac hian a hausakna tam zawk hi tennis atanga a neih a ni lo. A rosum te hi sumdawnna atanga a neih a nih vangin Roger Federer hi khawvel-a tennis player hausa ber pawh ti ila kan sawi sual chuang awm love. 

Kumina Roger Federer-a hausakna hi $550 million niin khawvel-a athletes hausa ber zingah a lang phak a, a sum neih zinga dollar maktaduai 130 hi prize money atanga a hlawhchhuah a ni.  Professional tennis a khelh chungin Roger Federer hian Grand Slam 20 lain single tennis title 103 leh double tennis title 8  a hum haw a ni.

1. Ion Tiriac

Net Worth     $1.7 Billion
Prize Money     $8.5 Million
Sponsor tu     Tiriac Group

Kum 83 mi Ion Tiriac hi tennis player hausa ber niin a sum neih hlut zawng hi  $1.7 billion a ni a,  Romanian businessman hi professional tennis player niin a career-ah prize money atangin $8.5 million a hlawh chhuak ve. A hausakna tam zawk hi sumdawnna atanga a lakluh an ni. Tennis bakah hian Tiriac hi professional ice hockey player a ni bawk a, mahse a thleng sang em em lo. 

Share now