Adidas chuan  2022 World Cup-a hman tur ball brand thar hlak 'Al Rihla' tih an phuah chu an tlangzarh. 2022 World Cup a hman tur ball hi Adidas chuan April ni 13 hian official zawkin an tlangzarh tha leh ang. 

Adidas 'Al Rihla' Qatar 2022 ball hi Adidas official online dawr-ah nizan khan tlangzarh a ni a, design thar hlak niin hetiang design hi an la siam chhuak ngai lo. Official taka release-na hun chu hun reilote hnuah neih tum a nih thu an sawi lang bawk. 

Adidas 2022 World Cup ball hman tur hming hi "Al Rihla" tih a ni a, Rihla tih hi Arabic tawng niin 'journey' (Hmun danga zin vahna) tihna a ni. 2022 FIFA World Cup chu Qatar ramah khelh a ni dawn a, November 21 atanga December ni 18, 2022 chhung khelh a ni ang.

2018 FIFA World Cup, Russia rama khelhah khan Adidas Telstar 18 chu official match ball atan a hman a ni. Adidas hi FIFA Partner niin kum 1970 atang khan FIFA World Cup official match a hman tur ball hi an lo siam tawh thin a ni.