Aizawl November 6, 2023: General Election to the Mizoram Legislative Assembly, 2023 atan Postal ballot hmangin vote thlak mek zel a ni a; hriat theih chinah ni 05.11.2023 tlai dar 5:00 thleng khan Home voting 2,059 leh Facilitation Centre voting 10,047, avaiin vote 12,106 a tla a ni.

Vote thlak dan District wise report kimchang chu hetiang hi a ni:-

District - Home Voting = Postal Ballot for Polling Personnel etc. + Total         

(80+ & PwD)

1. Mamit   - 42 = 1215 + 1257

2. Kolasib -138 = 708 + 846

3. Aizawl - 875 1659 2534

4. Saitual - 150 = 404 + 554

5. Khawzawl - 111 = 425 + 536

6. Champhai - 87 = 760 + 847

7. Serchhip - 168 = 882 +1050

8. Hnahthial - 50 = 187 + 237

9. Lunglei - 189 = 1470 + 1659

10. Lawngtlai - 96 = 1555 + 1651

11. Siaha - 153 = 782 + 935

TOTAL - 2,059 = 10,047 + 12,106

P-2 Polling Station 149 a duty tur Polling party-te chuan November ni 5, 2023 khan an duty-na tur Polling Station an pan a. DEO Lawngtlai District hnen atanga thudawnin a tarlan danin Jarulsury Polling Station, 36-Tuichawng A/C, Lawngtlai District-a duty tura chhuakte chuanna Lirthei chu Udalthana-I bulah vanduaina tawkin a chesual a, C/278 Z.Lalmuanzuala, 4th I.R Bn. chuan nunna a chan a, Jarulsury Polling Station-a duty tur hi ruat thar leh niin, nizan vek khan duty-na tur an pan nghal a ni.

Heng bakah hian P-2 Polling Station ni lo, P-1 Polling Station 1,127 a duty tur Polling party-te chuan vote thlak ni November ni 7, 2023 a duty turin November ni 6, 2023 hian an duty-na tur hmun theuh District Hqrs atangin an pan a ni.

November ni 5, 2023 tlai dar 5:10 khan C/580 Lalfakawma, 2nd I.R Bn, Election duty-a Champhaia awm chu District Hospital Champhaiah vanduaithlak takin Pancreatitis avangin a boral a. Election Department chuan Election duty laia vanduaina tawka boral Z.Lalmuanzuala leh Lalfakawma te chu uiawm a tiin, ram tana a inpeknate chhuanawm a ti a. An kalsan tak an chhungte thinlung takin a tawrhpui a, hun harsa tak an tawh mek karah Pathianin a awmpuia a venhim zel theih nan duhsakna a hlan a ni.