ZALEN January 21, 2026 : Fisheries Department chuan vawiin khan 2026 atana Inhlantharna hun 'Official Briefing for 2026' chu Fisheries Conference Hall, Directorate of Fisheries, MINECO Aizawl-ah neih a ni a, he huna report anih danin 2024-25 khan Mizoram chuan Sangha Metric Ton 7,177 a thar. Fisheries Minister Lalthansanga chuan Khuallian niin he hun hi a hmanpui.

He hunah hian Fisheries Department Secretary Er. Lalrothanga chuan 'Presentation of on-going and proposed Project' tih thupui hmangin Powerpoint Presentation a pe a. Fisheries Department hmalakna zirchianna leh hmachhawpte sawizauna neiin tun dinhmunah Sangha dil hmanga eizawngtu Farmers 22,661 awmin Sangha dil 3,207, Hectare 6,000 vel a zau a awm mek a. Kum 2024 atanga kum 2025 chhungin Sangha Metric Ton 7,177 thar chhuah a nih thu a tarlang bawk a ni.

Fisheries Department Director Zonuntluangi chuan Mizorama Fisheries din chhoh a nih dan a tarlang a. Zonunthari, Joint Secretary chuan Department hmasawnna tura ruahmanna hrang hrang kalpui dan tur sawi hona hun a kaihruai a. District Fisheries Development Officer-te leh Directorate of Fisheries-a thawktute an tel a ni.