ZALEN November 13, 2025: Aizawl Traffic Superintendent of Police C. Vanlalvena chuan vawiin khan a office-ah MJA member te a kawm a, kuminah October thleng khan Traffic Police te dan bawhchhiahte atanga sum chawitir zat chu Cheng 69,95,900/- anih thu a sawi.

October 2025 thleng khan lirthei 7864 man a nih tawh a ti a, an man tam ber hi motor dah lohna tur hmuna dah vang a ni a, No Entry-a tlan lui avanga man chu pahnihna a ni a, tlan loh zawnga tlan Wrong Side chu pathumna an ni a, Traffic tibuai zawnga lirthei dah chu palina an ni a, Driving License neih loh vanga lirthei khalh man chu pawisa chawitir tam zingah an tel bawk.

Heng an mi man pawisa chawitir te hi E-Challan hmang veka chawitir an nih thu Traffic SP chuan a sawi.