Bollywood film lar em em mai, nuih tiza leh zirtir nei tha bawk si 3 Idiots chu sawi ngai loin kan hre theuh awm e - a chhunzawmna tur sawi rik a awm det det tlat mai le. Thu chiang erawh hriat tur a la awm lo a, Kareena Kapoor Khan video call atanga an ngaihruat mai chauh a la ni rih e! 

Kareena Kapoor hian 3 Idiots star - Aamir Khan, Sharman Joshi leh R Madhavan te awm khawm lai thlalak a pholang a, video call hmangin an inbia a nih hmel. Hei hi social media lamah a viral zui a, 3 Idiots chhunzawmna siam tuma hmalakna a awm leh 
niin mi tam tak chuan an ngai ta a ni. 

Kareena hi thil thar eng emaw a awm dawn nia ngaih theih turin a tawng kual vel a, hei hian mipuiteah beiseina a siam sak ta a ni. Engpawh nise thu chiang hriat tur a la awm lo a, 3 Idiots chhunzawmna a awm dawn a nih hlauh chuan kut kan beng dawn nia.