Mizorama award hlun ber Lelte Award chu a vawi 32 nan zanin hian sem a ni dawn a, Gospel huangah award hrang hrang sem chhuah a ni ang. 

Award sem programme hi Dawrpui Multipurpose Centre-ah neih a ni dawn a, category pakua (9) ah award sem chhuah a ni ang. Singer of the Year Gospel (Male) leh Singer of the Year Gospel (Female) te chu ngaihven hlawh a ni dawn a, Song of the Year, Music Video of the Year leh New Artist of the Year (Gospel) te pawh hriat chakawm tak a ni. 

Heng bakah hian Duo/Group of the Year, Song Composer of the Year, Choir of the Year (Gospel) leh Pavalai Zaipawl of the Year te a awm leh dawn bawk. 

C. Lalzuia leh C Vansanga te hnenah Lifetime Achievement Award hlan a ni dawn a, 

zaithiam chaui thei lo H. Vanlalhlana hnenah Artist of the Decade award hlan a ni bawk ang. 

Young Achiever Award chu Escape Engmawia hnenah hlan a ni dawn a, 

Writer of the Year chawimawina chu Lalhruaitluanga Chawngte hnenah hlan a ni bawk ang. Hei bakah hian 

Lalthara, IAS (Retd.) leh WB Manner te hnenah Special Award hlan a ni dawn a, Hmar, Thado, Paihte, Darlawng, Mara leh Lai te hnenah 

Chibil Award hlan a ni dawn bawk. 

Award sem programme hi - Zonet, LPS leh Lelte YouTube-ahte live-a pek chhuah a ni ang. Zaithiam tak tak - Seraphic Choir, Faktu, Lallawmawma, SawmteaChhangte, Maruati, ZoremaKhiangte leh Jonathan Lianhna te zai ngaihthlak tur a awm bawk ang.