Mi tu pawh mai hian mahni tawka lan that kan duh vek a, chumi tur pawh chuan theih tawp kan chhuah thin. Chumi atana thil pawimawh em em chu make-up hi a  ni - a bikin hmeichhe tan a pawimawh leh zual!

Mizo zingah pawh make-up artist lar tak tak an awm tawh a, eizawn nan pawh mi tam takin an hmang mek. Ni chhinchhiah tlak leh ropui bik - inneihni leh hunpuiahte chuan sum senga make-up tih tir kan hreh lo tlangpui a, chutih rual chuan sum tam tham tak sen reng a rem loh chang a awm thin. Chutiang hunah chuan engtin nge i tih ang?

Make-up artist ten an ngaihpawimawh tak pakhat chu foundation hi a ni a, hmel lan dan timawia timawi lo theitu a ni. Sum sen vak ngai loa lan mawi i duh chuan i hmaia dark circle leh a nih tur ang aia lagsar thil a awm a nih chuan foundation i hmang vat ang - i duhna lai takah i tat tawh mai dawn a ni. 

Kan mit meng hi kan hmelhmang landan tidanglam dawrh thei a ni a, chu vangin eye brow hman thiam hle a pawimawh. Mit hmul nei tlem chi i nih chu midangte aia hmaah i insiam a ngai thin dawn a, hmanhmawh thilah chuan chet ran i zir pawh a ngai dawn. I mitmeng mawi tak kha a mawina belhchhah tur chuan make-up trick eng emaw tal i thiam a ngai tihna a nih chu. 

Mizote hi hnar nalh lo ve tak kan ni a, chuvangin kan inchei a nih chuan kan ngai pawimawh hle tur a ni bawk. Hnar ang bawkin hmui a pawimawh a, hei erawh thil harsa a ni lo a, hmeichhe nawlpui chuan an thiam vekin a rinawm - nalh leh nalh loh bakah sexy leh sexy loh thui tak a hril bawk! Heng a chunga kan sawi takte hi harsa lo tak tak vek a ni a, i zawm that phawt chuan confi takin i awm theih phah ngei ang.