ZALEN, November 10, 2025: Qualifying round paltlang, Mizo zinga pool khel thiam rual 24-te inelna, Ather Electric Scooter 9 Ball Pool Championship 2025 chu Millennium Centre Atrium, Aizawlah khelh tan a ni a. A ni khatah Pool A atangin Lalrina Renthlei leh K. Lallawmkima ten quarterfinal an lut.

Mizoram Snooker & Billiards Association (MSBA) buatsaih inelna hi Inrinni thleng khelh tur niin a duh apiang inlan ngawt theih a ni lo va, a hmain MSBA Hall-ah a khel pha tur zawn hmasak niin player 24 chiah inlan phak an awm.

Pool paliah player paruk theuh awmin a tan niah hian Pool A-in an khel a, double elimination hmanga khelh niin race to 5 (frame nga chak tling hmasa chak)-a khelh a ni a. Lalrina leh Lawmkima te chungnung berin a thiam pariat zingah an inhawlh kai.

Thawhlehniah Pool D, Nilainiah Pool B leh Ninganiah Pool C-ten an khel dawn a. Zirtawpniah quarterfinal khelh a ni ang a, Inrinni chawhmaah semi final khelin chawhnuah final khelh zui a ni ang.

Inelna hi ni tin chawhma dar 10:00-a khelh tan thin niin a thlawnin a hmunah a en theih a, Aidu Play-ah live-a pek chhuah a ni bawk.

Pool A - Nov 10, 2025

1. Lalrina Renthlei

2. Peter Lalrintluanga

3. K Lallawmkima

4. David Lalnunhlima

5. Alfred Lalnunfela

6. John Lalthanpuia

Pool B - Nov 12, 2025

1. PB Liansangzuala

2. Samson Lalnuntluanga

3. Henry L Hlawnmual

4. Lalzawngkima

5. Joel Laldinmawia 

6. Laltanpuia

Pool C - Nov 13, 2025

1. Zonuntluanga

2. T Laltanpuia

3. Jacksin Lalrintluanga

4. Lalchhandama Chhangte

5. B Lalhruaitluanga 

6. R Lalmalsawma

Pool D - Nov 11, 2025

1. R Lalthazuala

2. Lalsangzela

3. Roy Lalhriatpuia

4. Rosanglura

5. K Lalngaihawma 

6. C Lalramluahsanga