ZALEN, May 31, 2026: Final-ah Lalsangzela’n Mizo pool player hriat hlawh ber, Lalrina Renthlei hnehin Mizoram 9 Ball Pool Championship 2026-27-ah a champion.

Mizoram Snooker & Billiards Association (MSBA) buatsaih inelna final hi Inrinni zan khan Race to 8-a khelh niin Sangzela hian Lalrina hi 8-2-in a hneh a ni.

Khatla South, Aizawl tlangval hian tun hnai lawka politic huanga zuang lut, Lalrina lakah inkhel a thunun hneh hle a. A champion zinkawngah hian semi final-ah Zonuntluanga, Electric Veng, Aizawl chu 7-1-a hnehin quarter final-ah Lalchhandama, Dinthar, Aizawl lakah 6-1-in hnehna a chang bawk.

Mizoram 9 Ball Pool Championship 2026 - 2027 hi MSBA Hall, Hawla Indoor Stadium, Republic Vengthlang, Aizawlah khelh a ni a. Kar kal ta Thawhtanni atanga khelh tan niin Mizoram chhung hmun hrang hrang atangin player 100 chuang an tel a ni.