US Open trophy a champion vangin Carlos Alcaraz chu ranking 4-na atangin number 1 a kai a, tennis chanchin-a world number 1 ni thei naupang ber a ni. 

US Open champion thar Carlos Alcaraz chuan, a beisei aia hmain US Open a champion tih sawiin,"Kum 19 lek ka ni chunga hetiang trophy hlu lutuk ka vaw chhuak mai thei hi a mak zawk a ni," a ti hial. 

Kum 36 mi Rafael Nadal chuan a chipui Alcaraz hi a lawmpui thu a sawi chhuak nghal a, 'mi tam tak zinga a hmasa ber a ni' a ti. 

Alcaraz-a pawhin nui chungin,"A tha e. A ni tum 22, kei vawi 1-na. Mahse, kawng ka zawh chho ve mek a ni," tiin a Spanish pui Grand Slam titel 22 la tawh Nadal chu a fak let ve thung. 

Sawi zawmin,"Tunah rih chuan ka hun tawn mek hi ka la enjoy rih a, hetiang lawmman ka dawng theih hi ka lawm em a ni," a ti. 

Alcaraz-a coach, world number one hlui Juan Carlos Ferrero chuan, Alcaraz-a chuan a theihna 60% chiah a la hmang nia a hriat thu sawiin, kum naupang te ni chunga a US Open a champion pawh chu mak a tih loh thu a sawi. Kawng hrang hrangah hma a la sawn theih thu a sawi bawk.