Manchester City manager Pep Guardiola chuan, mual chhunga luh tlem vanga club chhuahsan duh player an awm a nih chuan an chuahsan a rem tih reng thu mei nei takin tun hnai khan a sawi chhuak.

Tun hnai khan City forward Sterling chuan, mual chhunga hun tam zawk a hman theihna a nih dawn chuan City chhuahsan a hreh loh thu sawiin, “Football hi ka dah pawimawh ber avangin club dang panna remchang a inhawng a nih chuan, City hi chhuahsan ka hreh lo,” tiin ram dang daiha khelh te pawh a chak thu leh a nuna chona dang hmachhawn a chak thu a sawi chhuak a nih kha. 

Mahse, Sterling-a thusawi hi Manchester City boss Pep Guardiola chuan a lo hrethiam khawp niin a hriat a, “Player ten inkhelh tam an duh vek. Mual chhunga luh tam an duh chuan an theihna lantir ve a ngai thin a, khelmual chhungah club ai an awh zo tih an khel hmangin an lan tir ve a ngai a ni,” tiin Sterling-a thil sawi chhuah chungchang zawhna a chhannaah a sawi chhuak. Sawi zawmin Guardiola chuan, “Sterling-a thil sawi chhuah kha a sawi chhan awm ka hre lova, club hotute pawhin an hriat ka ring lo. Sterling hi kan player tangkai a ni a, Liverpool tana  player pawimawh tak a nih chhoh zel pawh ka beisei tlat a ni,” a ti.