Bollywood superstar Shah Rukh Khan pawh a kum a lo tam ve ta a nia nge - a fanu Suhana Khan nen film an changdun dawn ta reng mai. 

Suhana Khan hian a vawi khat nan film a chang dawn a, hetah hian an pafa hian an changdun dawn nia tarlan a ni. Suhana Khan inlanna tur hi Netflix film 'The Archies' niin, kumin kum tawp lamah tihchhuah a ni ang. Suhana bakah hian - Agastya Nanda, Khushi Kapoor leh midang eng emaw zat an inlan dawn a ni. 

Kum 57 mi Shah Rukh Khan hi a fapa Aryan Khan nen pawh an lo chang dun tawh a, a fanu kum 23 mi nen camera hmaah an inlan ve leh dawn a ni - a fate a thlawp tha hle tih hai rual a ni lo. 

Bollywood film hit zet mai 'Pathaan' siamtu Siddharth Anand leh SRK te chuan film an siamdun leh mek bawk a, a pui leh viau ang. SRK leh Siddharth te hi tum hnih an lo thawk dun tawh a, a vawi thum nan film an siam dun leh dawn a ni.

Shah Rukh Khan hi film pahnih - Dunki leh Jawaan te a chang mek bawk a, a kum tam ve deuh tawh mah se sawmtu a la nei hrawl thei hle.