08Aizawl: Chief Minister chuan, “Vantlang tana tangkai tur thil siam leh din te hi a hmangtangkai tuten neitu rilru pu chunga dimdawi leh fai taka an enkawl thiam a tul a ni,” a ti. He thu hi Chief Minister Lal Thanhawla chuan Zirtawpni-a Lunglei Chanmari Hall sak thar a hawnnaah a sawi a. Hall hawn tak chu thalaiten an tangkaipui ngei a beisei thu sawiin Chanmari YMA Hall hi DoNER atanga sum hmuh nuai 496.19 hmangin Public Works Department in an sak a ni a. January 2015 khan sak hna hi tan a ni a, a kar lakah hun eng emaw chen chawlh lailawk awmin, kumin August 7 khan sak zawh a ni. Ground Floor hi Basketball Count leh Badminton Court 3-a hman theih niin, mipui thutna gallery, stage, dressing room leh toilet dah a ni a. A zau zawng hi 1148 sq. metre a ni. Main Hall area bakah hian basement pathum awmin, Basement I-ah Dormitory, Office, changing room te dah a ni a, Basement-II ah lirthei park na siam a ni. Indoor Stadium hi Govt. P/S-II  hmuna sak a nih avangin school building thiah tak chu sak kep a ni a, Basement III-ah class room leh staff room bakah toilet dah a ni a. Basement IV chu Govt. P/S I tan vek choka, dining room leh toilet block siam a ni bawk.