ZALEN, September 26, 2025: Lalnunsanga, Khumtung chu Ningani chhun dar 01:00 vêl khan a hna thawhnaah lungin a delh a, Aizawl panpui a nih laiin a thi. 

Thu dawn danin kum 45 mi, Sanga hi an khaw daia lung remnaah hna an thawk a, kawng chhak atanga lung lian tak lumin delh palhin an khaw sub-centre-a bawihsawm a nih hnuah Aizawl an panpui a, Greenwood Hospital, Bawngkawn an thlenpui chuan a lo thi hman tawh a ni.

A ruang hi Ningani zan khan tlaivarpui a ni a, a tuk chawhma dar 11:00-ah vui a ni.

Sanga hi Premier League club Arsenal FC tantu a ni a, Khumtung Arsenal Fans chuan a tana an tih theih hnuhnung tiin a kuangah pangpar leh Arsenal banner dahin thla an lakpui nghe nghe.