April 19, 2023; Siaha district-a tualthahna thubuai Phura PS a ziah luh, Nangkhawching, 16.4.2023 -a Phura Bawng Veng dai leileta thi a chhar chungchanga a mawhphurtu nia hriat, a pasal, Paduwong (M.Sanga tia hriat) chu Phura Police leh khawtlang tang kawp chuan nizan (19.4.2023) khan an man.

Nangkhawching te nupa hi Myanmar lam mi niin tunhnaia Mizorama khawsa an ni a, ruang chhar a nih lai hian a pasal, Paduwong hi hmuh tur a awm lova, VC te leh NGO te tangrualin khaw thenawm leh ramri khua, Lomasu, Lodaw leh Khaikhy-ah te a thlalak thawn darhin ramri kan turte lo enthla tura hriattir nghal niin man zui a ni ta a ni.