April 21, 2023; Two Wheeler Taxi mi ta khalhin, a nupui fanaute a chawm a, thahnemngai taka a thawh laiin, a passenger ngeiin rawng takin a vithlum. Pawi khawihtu hian a phu ang ngeiin hremna hmu rawh se.

Bawngkawn Branch YMA hruaitute hnen atanga ZALEN thudawn danin, nizan dar 8 bawr vel khan Lalrammawia (24) chu Bawngkawn atangin Lalfakmawia, Samlukhai, a unaute bel a Bawngkawn a awm lailawk chuan Zemabawk thleng a hmang a, Zokhawsang peng bul-ah chemte in a vit a, a vih nachhan hi a Lalfakmawia hian a risk a, fare a dil a a nei silo a, chumi inhnial buai chuan a vit ta mai nia hriat a ni. 

An bul hnai ami ten Greenwood damdawiin panpui nghal mahse, nizan dar 10 bawr vel khan a hliam tuar loin a boral a, a nupui leh a fa naupang te te (a upa zawk kum 3 mi) a kalsan a, nizan khan an chenna In, Bawngkawn ah lumen niin, vawiin chawhma lam khan postmortem a ni a, vawiinah vui a ni ang.

Lalfakmawia hi ruihhlo ti thin niin, police ten an man nghal a, jail ah dah luh nghal a ni. 

Aizawl Two Wheeler Taxi Association (ATTA) chuan thuchhuah siamin, Two wheeler taxi hmanga an eizawnpui, Lalrammawia h/o Lalramsiami chu
a passenger Lalfakmawia, Samlukhai khua nia inchhalin, a hman/chuan man pek tur nei loh vangin hriamhrei (chemte) in a vit hlum tih an tarlang a, "Pathian chauhin a pek theih nunna hlu tak pawh zah zo lo a, tualthattu he mi sual lakah hian keini, ATTA chuan dan hmanga a na thei ang bera hremna pe turin sawrkar kan phût tak meuh a ni," an ti.

"Hetiang thil rapthlak hi thleng nawn tawh lo se kan ti a, kan eizawnna hi hmuh hniam emaw, inhmuh sitna emaw, in risk-na ang chi hi awm lo tawh lo turin mipuite kan ngên tak meuh a ni," an ti bawk.