Aizawl April 15, 2023 : Zoram Peoples Movement (ZPM) leader Lalduhoma chuan, "Pathian zara sawrkarna kan chan huna a bul tan chawp leh zawn chawp ngai lo turin hma chak takin kan la mek a, kum tluana risk a thlai kan chin kha awm tawh lovin a rate hre sain thlai kan ching tawh ang," a ti.

ZPM Serlui Joint Block Conference nizana Vairengte a neih a hmanpuina ah he thu hi sawiin Lalduhoma chuan, “Serlui bial hi bial taima tak in ni a, kuhvaah nasa takin hma in la a. A um tawih (scope) hi ti a thei theiin lo ti ula bul kan tan pui dawn che u a ni. Ram pawnah kan hralh a helamah to tak takin kan lei leh a, sum tam tak kan chan a, a uiawm em em a ni. Hei bakah hmun hrang hrangah a tih rona kan din anga, duh danah chuan mimalin din se, sawrkarin kan pui dawn a ni,” a ti. 

ZPM leader chuan serlui bial chu sangha dil tamna ram a ni tih sawiin, "Kan rama sangha dil siamna tura hmun tha leh remchang 20% chauh hi kan la hmang tangkai a, 80% hi kan la hmang tangkai lo a ni. Hengte hi keini chuan kan  ngai pawimawh dawn a, thapuiin kan nawr dawn a. Kan ram kan intodelh mai ni lovin, ram pawna thawn chhuah tham Sangha hi neih vat kan tum dâwn a ni,” a ti bawk.

ZPM thuchhuah tarlan danin ZPM Leader hian mithar 1717 a lawmlut niin an sawi bawk.