ZALEN June 17, 2026 : World Donor Day pualin vawiin khan Thisen pe tha lawmman sem a ni a, thisen pe zingah Kohhran thalai ten an thawh hlawk ber a, pawl ang chuan National Service Scheme an thawhhlawk ber thung. Kumin World Blood Donors Day thupui hi "One drop of humanity, give blood, save lives" tih a ni.

World Blood Donor Day pualin thisen tha te chawimawina hun hi Association for Voluntary Blood Donation (AVDB) leh Mizoram State Aids Control Society te chuan BSI Hall, Bible House, Khatla, Aizawl-ah an hmang a, lawmman te hi F. Kapsanga (L), Tuikual South te chhungkuain an tum a ni a, Overall Award hi 'Pu K. Kapsanga Award' tih hming pek a ni. He hun hi Health Minister Lalrinpuii chu khuallian niin a hmanpui. 

Vawiina Lawmman sem-ah hian Kohhran huang, Relegious Category-ah Aizawl district bikah Central Kristian Thalai Pawl chu thisen pe hnem ber niin tum 93 Blood donation camp an huaihawt atangin thisen unit 4069 an pe. Aizawl Area TKP Co-ordination Committee chu pahnihna niin unit 982 an pe a, Territorial Salvation Army Youth te chu pathumna an niin unit 599 an pe.

YMA Category-ah Dawrpui Vengthar Brach in an pe hnem ber a, tum hnih thisen an pe a, a vaia an pek hi unit 178 a ni. Chanmari West Branch chuan dawtin camp tum hnih atangin unite 159 an pe a, Zotlang Branch chuan vamp tum hnih atangin unit 87 an pe a ni.

College leh University huangah NSS Pachhunga University College chu pe hnem ber niin tum ruk camp atangin unit 946 an pe a, pahnihna NSS Unit, Govt Aizawl College chuan camp tum 5 an neih atangin unit 823 an pe a, camp tum riat nei NSS Unit, Govt Hrangbana College chuan unit 653 an pe a, pathumna an ni.

Higher Secondary School-ah NSS Unit, Synod Higher Secondary School chuan camp tum khat neiin thisen unit 221 an pe a, NSS Unit, Helen Lowry Higher Secondary School chuan camp tum hnih neiin unit 104 an pe a, pathumna NSS Unit, Govt. Republic Higher Secoandary School chuan camp tum hnih neiin unit 93 an pe a ni.

Miscellaneous Category-ah Ebenezer Medical Center chuan Cmap tum khat an huaihawtah unit 108 an pe a, Mizoram Gurkha Youth Association chuan camp tum 2 huaihawtin unit 91 an pe a, 34th Assam Rifles chuan unit 70 an pe.

Overall Award, Mizoram pum huap-ah National Service Scheme, Mizoram-a unit hrang hrang te chu thawhhlawk berin pakhatna an ni a, unit 6250 an pe. Central Kristian Thalai Pawl-in unit 5251 an pe a, pathumna Mizoram Thalai Kristian Pawl chuan unit 2861 an pe a ni. 

Relegious Category hi thisen pe hnem ber niin Kohhran pawl thalai pariat te thisen pek hi unit 11,621 a tling a, Zirna in ho pek belhkhawm hi unit 6901 niin Miscellaneous cotagory te pek hi unit 3573 a ni a, YMA pek tlingkhawm hi 1202 a ni.