Aizawl; Mizo naupang rethei deuhte chu zirna \ha zawk tiamin sakhaw dang sikulah lak an nih \hin thu leh hnamdang sakhua serh leh sang zirtirin state hran hranah dah darh an ni tih thudawnna chuan a sawi a. He sikul a lut tur hian mi lar leh hlun tak pakhat chu kawh hmuhtu zingah a tel niin an sawi a. Mi challang tak rawngbawltu pawhin kohhran hnenah he thil hi thlenin, hmalakna a awm meuh lo niin a sawi a, sakhaw indona nia a hriat thu Zalen a hrilh bawk. Aizawl district khaw pakhat-a cheng, pawikhawih lian tak a neih avanga thuneituten an lakhran mek kumtlinglo mipa naupang pakhat chu rilru lam thiamte’n an kawmna a\angin hriat a ni a. “Naupang lakthlak te chu Uttar Pradesh, Delhi, Maharastra leh hmun danga sikul hrang hrangah dah darh an ni a, yoga leh mantra mai bakah an serh leh sangte zirtirin an tih \hat duh loh chuan kutthlaka hrem an ni fo \hin tiin naupang hian ka hnenah a sawi,” tiin amah kawmtu Clinical Psychologist chuan Zalen a hrilh a ni. Thudawnnain a sawi zel dan chuan he naupang hi Delhi khaw chhehvel sikul ah 2010 khan dah a ni a, ‘A kalna sikula Hindu thuchham (mantra) sawi turin ka ti a, Mantra nal taka a sawi thei chu a mak ka ti a hle a, Yoga pawh zirtir an ni,’ tiin amah kawmtu rilru lam mithiam chuan a sawi a. “Zirtirna hi amahah a bet nghet hle a, pawi a khawih chhan ka zawhin ‘Hindu pathian ‘Ni’ (Sun) chuan an sual man tel tura a tih niin ka hnenah a sawi a ni,” tiin naupang kawmtu Clinical Psychologist chuan a sawi bawk a. ‘Rilru dah awl veka hmun danga insawn ‘mind transformation’ a thiam tawh tih ka hriatin a lut thuk tawh hle niin ka hmu a. Rilru lamah buaina a nei loa, sakhaw pakhatin an pathian biak in ‘tisualtute hrem tur’ tih zirtirna a rilrua a beh ngheh vangin pawi lian tak a khawih mai niin ka hriaa, a thil tihsualah inchhirna a nei lo, mi chunga pawi a khawihna chu an phu ve rengah a ngai' tiin rilru lam thiam mi chuan Zalen a hrilh bawk. Fimkhur thu hlaah Clinical Pschologist dangin he nau hi a kawm ve leha, a hmasa kawmtuin a hmuh dan chu a \awmpui bawk a ni. Hetiang sikula awm mek Uttar Pradesh a Mizo naupang thlalak entir a ni a; a hriat (recognise) thu leh \henkhat chu an hming a sawi thei a, an khua leh khaw chheh vela cheng, a thlawnna zirna tawktarh-a hruai thlak ve tho an nih rin a ni. Rawngbawltu pakhat chuan Mizoram-a sawrkar hna sang tak chelh tura dah Hindu kulmuk hmalakna nia a hriain, “A awm chhung khan hmun kilkhawrah a zin nasa tih te pawh media-ah chhuah a ni \hin a, remruattu zingah a tela naupang hruaithlak chu midang kuta dah a ni thung,” a ti bawk. He thil thleng hi chhui zui mek a ni.