October 13, 2023; Mizoram Industries Association (MIA), Mizoram Chamber of Commerce & Industries leh Mizoram Industries Owner Association joint meeting chuan Ramhlui Venglaia DIC complex a, Rural Industrial Development Centre (RIDC) hmunhma leh building-te, Ramhlun Venglai Community Hall atana Mizoram sawkarin a pe chu an duhlo tih an tarlang.

Thuchhuah siamin Chief Minister hova RIDC Gate leh building kalhna, chhu chhiaa deptt hotute hriattir hmasa lova lut nia sawiin, mawi lo an tih thu leh thleng nawn tawh lo tura an duh thu an tarlang a.

RIDC bakah hian Dyeing-Centre Chaltlang, Handloom & Handicraft Centre Luangmual, Industrial Estate ram thenkhat leh Commerce building Lunglei-te pawh Mizoram sawrkarin alo chhuhsak tawh tih an tarlang.

RIDC hi thilsiama eizawngtute leh eizawnnana hman tumte tan Central Agency hnuaia agency hrang hrang leh Bank branch-te dahkhawmna turin leh, thil siamchhuaktu ten an thil siamchhuah pholanna tur Exhibition hall atan Ministry of MSME leh Commerce & Industries Deptt-in, project liantham tak kalpui tura a ruahman mek lai a ni tih tarlang bawkin, Mizoramin he project hi a chan a nih chuan thil pawi tak a ni dawn a ni tiin, RIDC hmunhma Ramhlun Venglai Community Hall atana pek hi sut leh turin an phut tih an tarlang a ni.