ZALEN June 16, 2026 : Mizoram a thei leh thlai chi hrang hrang chingtute, pangpar chingtute leh zuar thinte, thei leh thlai atanga ei tur vawn that theih siam lama tui mite pualin Horticulture Department chuan a vawi 13-na atan Horticulture Fair 2026 chu June Ni 17-20, 2026 chhung hian Lammual, Aizawl-ah a buatsaih leh dawn.

Horti Fair hi kum tin Mizoram in fur ruahtui a dawn that hunlai, thei leh thlai phun hun laia buatsaih thin a ni a. He hun hi kut hnathawktuten hma an sawn a, an thawhrim rahte an hlawkpui theihna atana buatsaih a nih angin engkim man man zawka zawrh a ni dawn a.

 Kum tin a chhimtu leh tangkaipuitu an tam thin hle a. Heng thil zawrh leitu te hian huan puitling tak tak siamin, thlai thar nasa tak a pun phah thin nghe nghe a ni.

Horti Fair 2026 chhung hian man man zawkin thei, thlai leh pangpar kaihhnawih kan rawn chhawpchhuak leh dawn a, I lo chhim ve ngei dawn nia.