Real Madrid leh France forward Karim Benzema chuan a vawi khat nan kumin chhunga footballer ṭha ber chawimawina Ballon d'Or a dawng. 

Benzema hian game 46 khelhah goal 44 a khung a, Real hi 2021-22 khan Champions League leh La Liga-ah a champion pui bawk. 

Ballon d'Or chawimawina hi thangkhat lian zet chu Lionel Messi (7) leh Cristiano Ronaldo (5) te pahnihin an awm bet tawh a, an hun chhunga vawi 13 an sem chhuah zinga vawi 12 chu anni pahnih hian an insem a ni. 

Bayern Munich tana khel mek Sadio Mane chu pahnihna niin a ni hi 2021-22 season khan Liverpool lamah a la khel a ni. Manchester City midfielder Kevin de Bruyne chu pathumnaah a awm.

Barcelona nula Alexia Putellas chuan hmeichhe Ballon d’Or chawimawina a dawng a, kum 2021-2022 chhungin hmeichhe footballer zingah a chetha ber a ni. Euro 2022-a England champion puitu leh Arsenal forward Beth Mead chu pahnihna a ni.

Premier League champion lai Manchester City chuan he inkhawmah hian nominee paruk neiin Liverpool chu Club of the Year chawimawina hlan an ni bawk. 

Ballon d’Or hi kum khat chhunga footballer tha ber hnenah hlan thin a ni a, 2021-22 season chhunga an chet that dan aṭanga chhut a ni.

2022 Ballon d’Orhi French superstar Zinedine Zidane-a kut atangin Karim Benzema hian a dawng a, Zinedine Zidane hian 1998 khan he chawimawina hi a lo dawng tawh a, Benzema hi kum 1998-a Zinedine Zidane hnua Frenchman Ballon d'Or chawimawina ropui tak dawng leh thei hmasa ber a ni. 

Benzema chuan, "He lawmman ka dawng thei hi ka lawm a, ka chhuang tak zet a ni. Ka naupan laia ka duhthusam leh suangtuah ramah ka cheng mek a, ka beidawng ngai lo. Engkim hi theih loh a awm lo a ni," a ti. 

Ballon d'Or results

1. Karim Benzema (Real Madrid, France).

2. Sadio Mane (Bayern Munich, Senegal).

3. Kevin de Bruyne (Manchester City, Belgium).

4. Robert Lewandowski (Barcelona, Poland).

5. Mohamed Salah (Liverpool, Egypt).

6. Kylian Mbappe (Paris St-Germain, France).

7. Thibaut Courtois (Real Madrid, Belgium).

8. Vinicius Junior (Real Madrid, Brazil).

9. Luka Modric (Real Madrid, Croatia).

10. Erling Haaland (Manchester City, Norway).

11. Son Heung-min (Tottenham Hotspur, South Korea)

12. Riyad Mahrez (Manchester City, Algeria).

13. Sebastien Haller (Borussia Dortmund, Ivory Coast).

14. Fabinho (Liverpool, Brazil) tied with Rafael Leao (AC Milan, Portugal).

16. Virgil van Dijk (Liverpool, Netherlands).

17. Luis Diaz (Liverpool, Colombia) tied with Dusan Vlahovic (Juventus, Serbia) and Casemiro (Manchester United, Brazil).

20. Cristiano Ronaldo (Manchester United, Portugal).