ZALEN October 18, 2023 : Vawiin khan AAP Mizoram chuan kumin inthlanah candidate neih ngei an tum thu an puang a, naktuk hian an bial chuh tur te puan an tum thu an sawi a, candidate an neih zat tur an la sawi thei lo thung.

AAP te hian candidate hi AMC area chhungah bak neih an tum rih lo. Tun tum Mizoram inthlanah hian party mala sawrkarna siam thei an awm an rin loh thu an sawi a, chuvangin sawrkara tel ve ngei turin theihtawp chhuah an tum tih an sawi.

AAP Mizoram President Andrew Lalremkima chuan AAP chu enchhin ngai tawh lo, Delhi leh Punjab-ah a taka an kalphung hmuh tur awmsa a nih thu a sawi a, sawrkarna tha duh tan AAP chu vote mai turin mipuite a sawm bawk.