Aizawl; Mizoram Baptist Kohhran hnuaia inkhawmpui lian, Area Baptist Council (ABC) Rorel Inkhawmpui chu Zirtawp zan atang khan Mizoram hmun hrang hrangah hman tan a ni a, zanin hian a tiak ang. Inkhawmpui hi ABC 14-ah a rualin neih mek a ni a. Zirtawp zana a tan zana hi Vantlang Inkhawm atan hman a ni a, nimin nilengin ABC Rorelna neih a ni a, hetah hian Pastor Bial Rorelna-in Assembly 2017 – agenda tur ABC kaltlang turte ngaihtuah a ni. Nizan khan vantlang inkhawm a awm leh a. Vawiin chawhma inkhawm hi Kohhran Upa Ordination Service atan hman a ni dawn a, kuminah hian Upa 140 nemngheh tur awmin, anmahni awmna ABC theuhvah nemngheh an ni ang. Chawhnu in-khawmah Lalpa Zanriah Sacrament kilho a ni ang a. Zan lamah Vantlang Inkhawm neih a ni leh ang.