DOWNLOAD OUR APP

Read latest news on your phone
app-store
Abe-a ruangin a in thleng ta
Jul 10, 2022

Japanese prime minister hlui, Shinzo Abe-a ruang chu Inrinni khan Tokyo khawpuia an inah phurh luh a ni ta.

Abe-a hi Zirtawpni chawhma khan an ram chhim lam, Nara khawpuia parliament inthlan turah campaign-a thu a sawina lai kah hlum a ni.

Police chuan an chhuinaah chuan a kap hlumtu nia an rin hian Abe-a a inhnamhnawih vena pawl pakhat che a haw hle niin an sawi.

A kaptua an puh kum 41 mi, Tetsuya Yamagami-a a ni a. Tualchher silai hmangin a kap niin police chuan an sawi bawk.

Abe-a ruang hi Tokyo-a an inah phurh luh niin rorel lai, Liberal Democratic Party (LDP) chuan kawr dum hain a kalkawngah zahna lantir nan an intlar.

Prime Minister Fumio Kishida chuan Inrinni chawhnu khan a tlawh nghal.

Tualchhung chanchinmbute chuan Thawhtanni zanah hian a thlahna hun hman a ni ang a, Thawhlehniah vui a ni dawn niin an tar lang.

Abe-a hi Japan-a prime minister ni rei ber niin kum 67 a ni a, silaia pawikhawihna thlen tam lohna rama kah hlum a ni hian mi a barakhaih hle.

Pathiannia an ram parliament rorelna in sang zawk inthlan atan an party tan campaign-a a feh chhuak a ni.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh