April 4, 2023; Academic session thar, 2023-24 atan naktuk hi school (primary - HSS) luh tan ni tur a ni a. Session tharah hian primary zirlaite chuan ni 200 chhung school an kai ang a, middle ni 220, high school leh higher sechondary school te ni 207 school an kai ang a. Sawrkar ruahmanna thar 'common uniform' chu sawrkar enkawl school ah kalpui a ni ang.

Secretary, School education in notification a tihchhuah a tarlan a nih danin, academic session 2023-24 chhungin, primary zirlaiten sawrkar chawlh (holiday) pangngai bakah, chawlh (vacation) ni 69 an nei dawn a, school an kai ni tur chu ni 200 a ni. First term (April - July) chhungin ni 76 school an kai dawn a, 2nd term (August - November) chhungin ni 70 leh 3rd term (November-March, 2024) chhungin ni 54 school an kai ang.

Middle zirlai ten sawrkar chawlh pangngai bakah vacation ni 39 an nei ang a, ni 220 chhung school an kai ang. First term (April - July) chhungin ni 77 school an kai dawn a, 2nd term (August - November) chhungin ni 70 leh 3rd term (November-March, 2024) chhungin ni 73 school an kai ang.

High school zirlai ten sawrkar chawlh pangngai bak, vacation ni 56 an nei dawn a, ni 207 school an kai ang. First term (April - July) chhungin ni 78 school an kai dawn a, 2nd term (August - November) chhungin ni 73 leh 3rd term (November-March, 2024) chhungin ni 56 school an kai ang.

Higher secondary zirlai ten ni 207 chhung school an kai ang a, sawrkar chawlh bak , vacation ni 56 an nei ang. First term (April - July) chhungin ni 78 school an kai dawn a, 2nd term (August - November) chhungin ni 73 leh 3rd term (November-March, 2024) chhungin ni 56 school an kai ang.