Aizawl: Traffic chhinchhiahna tarlan danin kumin June thla tawp thleng khan lirthei chetsualna ah mi 12 an thi tawh a, hliam 18 an awm tawh bawk.

Traffic chhinchhiah danin lirthei chesual te hi an vaiin driver vang an ni vek a, kumin chhunga lirthei chesual zinga 12 ah hian thihna a thleng a ni. Lirthei chesual zingah two wheeler tam berin vawi 13 chesual tawh anga chhinchhiah a ni a, LMV vawi 10 leh MMV chetsualna vawi 6 thleng tawh anga chhut a ni bawk. Traffic Police te hian kumin chhung vek hian rui chunga lirthei khalh mi 369, lirthei khalh laia mei zu 43 leh Phone hmang chunga lirthei khalh 66 an man tawh bawk.

Kumin 2015 January thla tir atanga June thla tawp thleng khan Traffic Police te hian lirthei dan bawhchhia 6322 an man tawh bawk a, dan bawhchhia an man te atanga an pawisa chawi tlingkhawm hi Rs. 1,857,550 a tling a. Heng dan bawhchhia te hi HMV 310, LMV 1508, Bus 41, Taxi 1165 leh Two Wheeler 3298 te an ni a. Nikum June thla tawp thleng khan lirthei dan bawhchhia 4111 manin an pawisa chawi tlingkhawm chu Rs.9,10,450 a tling a ni.