Australian rock band lar AC/DC chu kum eng emaw zat an reh vang vang hnuah an rawn inlar leh dawn e - Power Trip Festival-ah an perform ang. AC/DC hi kum sarih chhung zet hu band angin an perform tawh lo a, an rawn came-back leh tur hian fante a tiphur khawp ang le. 

Power Trip Festival hi October thla khian neih a ni dawn a, inlan tur puan chhoh mek a ni. Perform tur an puan tawh zingah hian AC/DC chuan thawm an nei ring hle a, khawvel huapa lar tak tak inlan tur an awm nual bawk. 'The Highway To Hell' rocker te bakah hian - Metallica, Tool, Iron Maiden leh Guns N’ Roses te chu a langsar zual an ni. Ozzy Osbourne chuan headline a chang dawn bawk.  

Power Trip Festival hi a pui dawn rem rem hle a, Coachella an neihna hmun Empire Polo Field, Indio, California-ah neih a ni ang. Kum 2016 pawh khan - Neil Young, Sir Paul McCartney, The Rolling Stones, Bob Dylan, Roger Waters leh The Who te pawh an lo inlan tawh a ni. 

He festival atan hian sum pawh an seng hnem thin hle a, kuminah pawh ticket a to leh viau dawn. Mi pakhat tan $875 te a ni dawn a, VIP phei chu $2800 te a ni ang.

Kum 2016 khan AC/DC hian tour an nei a, hemi tum hian an vocalist Brian Johnson chuan ri hriatna lamah harsatna a tawk a, Guns N’ Roses star Axl Rose chuan an tour hmabakah a ai a awh a nih kha. Hemi hnu hian band angin an la che chhuak leh lo kum sarih hnuah an rawn inlar leh dawn ta a ni. 

Metallica, Tool, Iron Maiden leh Guns N’ Roses te pawh hi mipui hip tur an ni dawn a, Rock Festival pui tak hmuh tur a awm dawn a ni.