Australian rock band lar AC/DC chuan world tour an nei dawn nia tarlan a ni. Hemi chungchang hi tun hnai khan AC/DC te hian social media lamah an tarlang a, a hun leh ni tur erawh tihchian a la ni lo. 

Kum 1973 daih tawha din AC/DC te hian thawm an la nei lian hle a, rimawi khawvelah pawh an thawm a reh hlen tak tak thei lo. Kum riat hnuah a vawi khat nan world tour neih tumin an inbuatsaih leh mek a, thawm an rawn nei lian leh viau dawn a ni. 

AC/DC te hian kum 2016 khan tour an nei a, an frontman Brian Johnson erawh a tel tluan thei lo. A aiawh tur hian Guns N' Roses singer Axl Rose an pawt peng a, a ho hian tour an chhun zawm a ni. Tour an zawh hnu hian band angin an chhe chhuak lo reng a, kum sarih hnuah nikum October khan Power Trip Festival, California-ah an inlan ve leh chauh a ni. He hunah hian Brian Johnson pawh hian a zawm ve leh thei tawh a, tour-ah pawh a tel thei dawn nia tarlan a ni. 

AC/DC hian an studio album 17-na 'Power Up' chu kum 2020 khan an tichhuak a ni.