Aizawl: Aizawl Civil Hospital ah Specialist (DNB) zirna subject 5 ah kalpui mek a ni.   Health Department hotute sawi danin specialist zirna hi kum 2013 atang khan kalpui tan a niin tun dinhmunah Medicine, Surgery, Obstetrics and gynaecology, Paediatric leh Anesthesiologist-ah te kalpui a niin tun dinhmunah zirlai 24 an awm mek a. Speacialist zirna hi kum 3 chhung atan a niin, tuna zir mekte hian nuam an tiin exam-ah pawh an titha thin hle niin an sawi. Aizawl Civil Hospital a Specialist zirte hi India state hrang hrang atanga lo kal an niin hmarchhak mi zir an la awm lo a, mi 12 in Specialist hi an zirchhuak tawh a ni.   Health department thawktute chuan Specialist (PG) zirlaite hi an tangkaipui hle nia sawiin zanlaia emergency-a zai ngai an awm chang pawhin heng mite hi an hmang thin tih an sawi a, PG an zirna leh an thawhnaah hian Mizoram sawrkar chuan thla tin stipend Rs. 25,000 atanga Rs. 35,000 inkar an pe thin niin an sawi bawk.