Country music huanga award ngaihhlut ber zinga mi, Academy of Country Music (ACM) Award chu May 16, 2024 hian sem a ni leh dawn ta a, nomination pawh puan a ni tawh. Rinlawk ang ngeiin - Luke Combs, Megan Moroney leh Morgan Wallen te an langsar a, award pawh an humhaw ngeiin a rinawm. 

American country singer Luke Combs chu category pariat-ah a lang a, mimala langsar ber a ni. Megan Moroney leh Morgan Wallen te category paruk ve veah an lang a, Cody Johnson, Chris Stapleton leh Lainey Wilson te pawh category panga laiah an lang bawk.

Country Music Party of the Year ti hiala an sawi thin Academy of Country Music Award hi Frisco, Texas-ah sem a ni dawn a, India atang chuan May 17 zingah a en theih ang.