ZALEN October 22, 2025: Aizawl College of Nursing (ACON), Tuivamit, Aizawl Mizoram chuan vawiin khan Lamp Lighting & Oath taking Ceremony AICS Chapel, Tanhril ah an hmang. 

Prof Lalbiakdiki Hnamte, Director, College Development Council (CDC), Mizoram University chu Chief Guest niin Joint Director of Nursing, Health Department Lalchhanhimi chu Guest of Honour a ni a, Lalbiaksangi, Retd Joint Director of Nursing chu Lamp Lighter - Khawnvar chhi tu a ni. 

Chief Guest Prof Lalbiakdiki chuan nurse zirlaite fuihna thu sawiin, "Mihring thawk lak hmasak berna bula awm chu nurse an ni a, an thawk tawp ber laia an bula awm chu nurse bawk an ni. Nurse chu an tawngkam leh nunzia a nem ngei ngei tur a ni," tiin nurse hna pawimawh zia a sawi a ni. 

Aizawl College of Nursing hi Private Nursing College niin BSc (Nursing) zir theihna a ni a, Mizoram University (MZU) affiliated institute a ni a, Mizoram Nursing Council recognised Institute a ni bawk.