DOWNLOAD OUR APP

Read latest news on your phone
app-store
ADDMA in RV leimin an sawifiah
Apr 04, 2015
Aizawl: Aizawl District Disaster Management Authority chuan Rangvamual leivung paihna hmun chu technical thil avangin sawn a remchang lo tih an sawi. Thuchhuah an siamah ADDMA chuan Rangvamual kawngpui chu Mizoram mipui 80% te rin ber a ni tiin, thal laia tha taka laih tlang a nih loh chuan fur ah a pin mai hi a hlauhawm hle a ni, an ti a. Lei paihna hian a thlanga Concrete building chu a deng deuh thin tih sawiin, a in neitu te pawhin DDMA Chairman hmu in a paihna hi sawn an dil a, amaherawh chu technical lam mithiam ten an paihna hi an sawn chuan a min belh teuh thei dawn nia an hriat avangin a paihna hi sawn theih niin an ngai lo tih an sawi a. ADDMA chuan in neitupa chu a duh ang tawka a in venhim nan fencing siam tur leh a senso zawng zawng chu an tum sak tur thu an hrilh nia sawiin, "Leivung paihna sawn a nih loh chhan hi pawisa harsat vang a nilo a, leivung hi tuna paih a nih loh chuan fur ah chuan in hi leimin in a hnawl mai theih vang a ni," an ti bawk. ADDMA chuan leivung chungchang hi Opposition Leader pawhin Aizawl DC leh DDMA Chairman ni bawk pawh hmu in an sawi dun tih an thuchhuah ah an tarlang a. 'DC chuan a aia tha paih dan leh a problem solve dan an hriat chuan an thurawn chu a dawnsawn theih reng thu a hrilh a. Amaherawhchu, solution tak tak hi uluk takin an sawi dun pawhin an hmu zo mai lo a ni,' an ti a. JCB a chhiat chungchangah 'Police te'n inquiry an ti a, an rinhlelhte an ko mai a ni a, tumah Lock-up a riah tir leh Jail a khung pawh an awm lo a ni,' an ti bawk.
MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh