'Someone Like You' hitmaker Adele chuan thla thar khian album thar a tihchhuak dawn tih a puang chiang ta, a album title hi '30' tih  a ni. Kum 33 mi Adele hian a album thar '30' hi November 19-ah release a nih tur thu social media kaltlangin a tarlang a, fan lam pawh an phur tawh hle. 

Adele hian hun kirh tak a paltlang a, a pasal Simon Konecki nen 2019 khan an inthen - a pa Mark Evans chu kumin May thla khan cancer vangin a boral bawk. Hei vang hian a album-ah pawh hian lungngaihna lam hla a tam deuh mai thei a, ngaihthlak a man hla viau thei bawk. 

Adele hi Simon Konecki nen an inthen hian kum 30 mi a ni a, hei vang hian a album pawh hi '30' a ti ta a ni ang em tih chu zawhna awm mek a ni. Chutih rual chuan a album tihchhuah tawhte pawh - 19, 21, leh 25 tihte an ni nawk a, tum dang ang bawkin number a rawn hmang leh tihna a ni thei bawk. A album thar atan hian zaithiam dang thawhpui a nei lo a, hla engzat nge awm dawn a la hriat loh bawk. 

'Rolling in the deep' singer Adele hian Zirtawpni khan a album thar a mi tur hla pakhat 'Easy On Me' chu a tichhuak a, hei hi 2015 hnua hla a tichhuah leh vawi khatna a ni - fan te tan pawh a hlu zual ngei ang le.