Aizawl District Football Association (ADFA) huaihawt, Joseph Construction sponsore under 17 football tournament 2022 kickoff leh he tournament a intum tur team te draw hun nizan dar 8 khan Chanmari YMA hall ah hun hman a ni a, Aizawl District Football Association  atangin team aiawhte an tel kim hle.

Under 17 football tournament kick-off leh draw programme hi Pu VL Rinpuia, Organising committee secretary in a kaihruai a, hunserh Pu Lalsangzuala, organising committee member in hmangin hemi hnu hian inlawmna leh inhmelhriattirna bakah ADFA season calendar sawifiahna Pu Lalbiakhlua, Hony. Secretary, ADFA in a hmang a.
    ADFA Senior Vice President, Pu Vanlalrawna’n thusawina hun hmangin under 17 football tournament 2022 chu, nakum a ADFA Silver Jubilee lo thleng tur atana inbuatsaiha pakhat a nih thu a sawi a, players te chu tluang taka an khelh theuh theihna turin duhsakna a hlan a ni.

Kickoff prgramme hmangtute Siampuii Ralte in zaiin a awi a, hemi hnu hian ADFA  Hony. Vice President Pu K Lalthanzam, Joseph Construction neitu, under 17 football tournament sponsore tu ni bawkin kick-off hun a hmang a. Hemi zawh hian draw phase I leh phase-II hun hman a ni a. Pu HF Lalrinpuia, org. committee Chairman in lawmthu sawina hun hmangin kick-off programme a kalkhawm mipui a tin a ni.

 Nizan under 17 football tournament kick-off hi MFA office bearers, Senior Vice President Pu PC Vanlalhruaia hoin an hmanpui a, ADFA hruaitute leh Committee peng hrang hrang hruaitute an tel tha bawk a ni. 

Hripui len hnua ADFA football tournament buatsaih leh hmasa ber turah hian Aizawl District chhung atangin team 60 an chhuak a, group A leh B-ah then niin September 6, 2022 (Thawhlehni) atangin under 17 football tournament hi 3rd MAP ground Mualpuiah khelh tan a ni dawn a, Lammual leh Rajiv Gandhi Stadium Mualpuiah khelh a ni bawk ang.