Aizawl District Hockey Association (ADHA) buatsaih 6 Asize tournament chu nimin April ni 5, 2022 (Thawhlehni) khan Durtlang Play Ground, M Suaka Vengah khelh tan a ni. He tournament bultanna hi John Laltanpuia, Secretary MSSC chuan Khuallian niin a hmanpui. 

He tournament-ah hian mipa team 10 leh hmeichhe team 4 telin a pumpuiah team 14 an inlan a, nimin khan match 6 khelh nghal niin mipa inkhel tum 4 leh hmeichhia inkhel tum 2 neih a ni. 

 MSSC Secretary chuan thu sawiin hockey player kal khawmte chu a fuih a. An tournament hmachhawn mek chu tawpna nilo va, hmasawnna kawng zawh bul tannaah ngai a, hmasawn zel tuma tanla tur leh national, International thleng phak player tumruh ni theuh turin a fuih a ni. Hriselna ngaipawimawh a taksa vawng uluk turin a chah bawk. 

Mipa team tel te: 
1. Hawihkawm lenrual Durtlang Hockey Association 2. PB Lalduhsanga Memorial Zemabawk North Hockey Club 3. Kaha Durtlang Hockey Association 4. Andy Lalhruaikima Memorial Sihphir Hockey Club 5. Durtlang Hockey Association Team B 6. Durtlang Hockey Association Team C 7. Lalremruati Memorial Hockey Team Sihphir Hockey Club 8. North Lungleng GSA Hockey Team 9. Hman ami Durtlang Hockey Association 10. Durtlang Hockey Association Team A
 
Hmeichhia Team tel te:

1. Kaphranga and Thangkungi Memorial Hockey Team Sihphir Hockey Club 2. Colonel Ruata Memorial Team Durtlang Hockey Association 3. Ropuiliani Hockey Club Zonuam 4. Durtlang Hockey Association

Nimin April ni 5, 2022 (Thawhlehni) Results

Hmeichhia:

10:00AM Kaphranga & Thankungi Memorial Team Sihphir Hockey Club 4-0 Colonel Ruata Memorial Team

12:00PM Ropuiliana Hockey Club Zonuam 1-5 Durtlang Hockey Association

Mipa

11:00AM Hawihkawm Lenrual Team Durtlang Hockey Association 3-5 PB Lalduhsangi Memorial Team Zemabawk

1:00PM Durtlang Hockey Association 'C' 2-2 Lalremruati (Seni) Memorial Sihphir

(Sihphir Hockey Club penalty-ah 3-2 in an chak)

2:00PM Hman ami Durtlang Hockey Association 2-3 Lungleng GSA Hockey Team

3:00PM Kaha Durtlang Hockey Association 2-3 Durtlang Hockey Association 'B'