Adhaar leh ration card 67% thlunzawmAizawl: Food, Civil Supplies and Consumer Affairs (FCS&CA) Department hotute hnen atanga thudawn danin Mizoram puma ration card zaa 69.07 chu aadhaar nen thlunzawm a ni tawh a, central lam atanga phalna an dawn angin December, 2017 hmaa zawh hman an tum. Thudawn danin Mizoram puma ration card awm zawng zawng hi 266,524 a ni a, heng zinga 184,086 chu aadhar nena thlunzawm tawh a ni. Ration-a card hming chuang zawng zawng zat hi 1,274,054 a ni a, heng zinga aadhaar nena nena hming thlunzawm tawh zat chu mi 617,000 a ni a, chu chu za zelah 48.43 a ni. FCS&CA hotute chuan aadhaar card nei lo Mizoramah an la tam avang leh siamtir mek an la tam avangin chhumlo chat loa aadhaar leh ration card thlunzawm hna thawh char char a buaithlak niin Zalen an hrilh. Ration card leh aadhaar thlunzawm hna hi a tirah chuan October, 2017 a zawh hman tura ruahman a ni a; nimahsela, harsatna hrang hrang avangin FCS&CA hotute chuan central lamah hun pawhsei an dil a, phalsak an niin, December 2017 chhunga zo hman turin an rawn tuksak leh niin an sawi bawk. Tunlai hian Local Council leh VC ah te FCS&CA chuan aadhaar nena thlunzawmna tur form pe chhuakin heng khawtlang hruaitute hian mipuite chu a hlawmin form an ziah feltir a. Hei hi a hlawmin FCS&CA Department lamah khawtlang hruaitute hian keng lehin awlsam takin thlunzawm hna hi a hlawmin an lo ti thin niin FCS&CA hotute chuan an sawi bawk.&&&&&