ZALEN August 05, 2026 : Mizoram Govt. Adhoc Aided High School Teachers' Association (MIGAHTA) ten Notification leh Rules thar hal dawn.

MIGAHTA chuan Provincialised an nih tawh ang ngeia Provincialised dinhmuna dah let leh tura sawrkar an ngenna leh Adhoc Grant-in-Aid atanga Lump-Sum Grant-in-Aid dinhmun hniam zawka an dah tumna chu an pawm loh thu thuchhuah an siam.

Association chuan August 12, 2026-a PAC meeting hma chuan Adhoc High School Provincialised ve lohte Special Category-I a dahna Notification chu chhuah lo turin an ngen a. Mahse, August 4 zanah sawrkar chuan Notification No. A-11015/10/2025-EDN(E-5072) chu a tichhuak a ni.

MIGAHTA chuan he Notification leh Rules hi an pawm theih loh avangin, August 5, 2026 ah Mizoram hmun hrang hranga Adhoc High School-ah Notification chu an hal dawn thu an puang. Hemi hnuah pawh an hmalakna tur chu an ngaihtuah zui zel dawn tih an thuchhuah chuan a tarlang.